专业治疗白癜风医院 http://pf.39.net/bdfyy/xwdt/话说九十年代中嘅一晚，喺新加坡牛车水戏院，有一国内文武生喺度做大戏。散咗场已经係十二点嘞，之但系有几百个师奶戏迷，仲围住个戏院门口唔愿走。哋警察经过以为出咗乜野事啦，一问，原来哋戏迷等住个文武生出嚟，係要睇下佢卸咗装嘅庐山真面，呢个文武生就系*伟坤嘞。
*伟坤系粤剧界有名嘅＂靓仔＂老倌，佢气宇轩昂，身形挺拨，扮相俊美，武功了得，佢演过好多嘅名剧：吕布与貂蝉、《情僧偷到潇湘馆》、《梦断香销四十年》、《洛水情梦》及《狄青闯三关》等。佢最拿手係演吕布，呢个角色令到好多戏迷对佢如醉如痴。
吕布与貂蝉呢出戏，佢演嘅吕布，扮相英气迫人。演到头场见美人，吕布去王允府中饮酒初见貂蝉，佢利用头上嘅两支雉鸡尾嚟做戏。惊艳一刹﹐*伟坤嘅演绎：望住貂蝉﹐脚一蹬﹐身一挺﹐头顶两支雉鸡尾打咗个冷战﹐用雉鸡尾表演「灵*出窍」﹐何等高妙。貂蝉敬酒，*伟坤用两支雉鸡尾向左右抖动再转两圈，一个金鸡独立亮相嚟表现吕布欣喜若狂嘅心情。
做到中场《凤仪亭》嘅戏肉，吕布喺凤仪亭等咗好耐仲未见佳人﹐吕布要宣泄满腔妒愤。*伟坤一边唱﹐一边舞动长穗剑。剑长穗又长﹐佢舞得矫若游龙﹐用嘅系阴力同埋巧力，显示出*伟坤功力好深厚。*伟坤舞动嘅长穗剑﹐好似龙游九天﹐徐疾有致﹐挥洒自如﹐干净利落﹐佢重有一绝﹐个条飘飘嘅长剑穗﹐佢舞到绕身而不缠身﹐实乃真功夫﹐唔简单架。
到咗尾场杀董卓，＂妻不妻兮﹐母不母＂。吕布陷入咗桃色漩涡﹐眼前美绝嘅貂蝉﹐许配咗畀吕布做妻子﹐又被义父董卓横刀夺爱。明明妻子﹐却要鞠躬叩头叫＂义母＂﹐欲火焚身嘅吕布要杀人咯！*伟坤係呢度大演功架戏嘞，佢右脚直立﹐左脚翘起方天画戟﹐大唱霸腔﹐令到哋戏迷拍烂手掌。呢招独脚翘戟唱霸腔﹐好似「监叔」罗品超嘅《罗成写书》﹐企喺舞台上表演﹐非常威武雄壮。被视为粤剧嘅绝技﹐腿功太厉害咯﹐咦家好少有人吃得苦去练呢下绝技架嘞！
＂董卓乃太师﹐上欺天子﹐下压百姓。纵有千*万马保护，吕布何惧也！＂*伟坤唱完一段高腔后，就同各大龙虎武师连番对打起嚟﹐好精彩呀！方天画戟一挑一个﹐好似真嘅一样。画戟一挑﹐武师成个人弹起﹐打个筋斗﹐挞生鱼咁训喺地﹐时间配合得丝毫不差。睇到台下哋师奶个个＂哗＂哗＂声！
正所谓：＂台上三分钟，台下十年功＂。黃伟坤呢哋咁潇洒嘅动作，係佢勤奋嘅结果，呢个老倌咁勤力，唔怪得哋戏迷咁中意佢咯！
(喜欢我李池湘
